16/07/2010

播放本新聞相關短片

政情:大輝爭做忠僕勁露骨

眾所周知,立法會廠商會代表林大輝曾經喺政務司司長唐唐家族嘅半島針織位至董事總經理,早有唐唐「家臣」嘅稱號,佢早前喺自己本立法會通訊,博大霧捧唐唐做政改功臣已令人側目,尋日更加借立法會審議最低工資草案,趁機公開表忠。

立法會尋日續議最低工資,保險界陳健波發言支持,指自己打工三十六年,只有過兩個僱主,反映打工仔都有忠心族,老闆畀高啲人工都值得。一樣受過人二分四嘅大輝,其後發言時爭做忠僕,話成世人只打過一份工,自詡比陳健波更忠心,又話打工仔都有盡忠職守者,「就好似我咁」。大家聽到,想唔信佢對唐家忠心不二都唔得啦,但係使唔使做得咁露骨呀!大輝「忠僕」角色深入民心,尋日再公開表忠,真係唔怕人言可畏?

為應屆會考生打打氣,請瀏覽on.cc《放榜無限分2010》專輯