【本報訊】七旬老婦不敵「機霸」女股民。老婦繼前日在紅磡一銀行疑因爭㩒股票報價機不遂，遭一名女股民打傷後，昨晨兩人再在銀行決戰，老婦又被批㬹受傷，更遭辱罵：「你咁老，睇咩吖，死咗佢啦！」涉案女子趁亂逃去。
兩度遇襲老婦姓黃（七十七歲），習慣到馬頭圍道中國銀行分行㩒股票機睇股價，因人多擠迫，前日指斥一名約四十歲婦人霸佔報價機，雙方發生爭執。混亂中她被人揮拳打腫眼角，但未有報警。
昨晨十時許，黃婦再到銀行㩒機睇股價，發現該婦人亦在場佔用一部報價機，她不值所為擠上前，擬伸手㩒機看股價，但對方用手肘猛撞其身體，兩人再起爭執，黃婦被人謾罵。
消息稱，由於逞兇婦人連番打人，職員上前制止及報警，對方聞悉驚動警方，慌忙趁混亂逃去。黃婦因手臂痛楚，需送院治療。