本文重點
七一授勳名單公布後，引起各界狂批，更成為煲呔曾赤裸裸明益自己友嘅鐵證。脫離富貴黨另起爐灶嘅經濟動力「4L」同煲呔曾關係唔錯，不過成員之中，只得梁君彥（Andrew）一個獲頒金紫荊星章，反而身為核心嘅林健鋒（Jeffrey）就無份。點解？連當事人Andrew都話唔知！
林健鋒應該都有份
Andrew同Jeffrey同樣喺○四年獲頒銀紫荊星章，如果今年要論功行賞，照計應該一齊奪金至係。對於呢個講法，Andrew前晚參加中策集團主席馬時亨嘅「一桿入洞慶祝飯局」時話：「我唔知喎，我又唔係特首！」不過，Andrew獲馬會大董周永健上前握手恭賀時，連番多謝後笑稱：「好閒啫，上面（飯局）大把人都有啦！」呢句說話，會唔會令好多人傷心呢？