【本報訊】本港球迷要睇今屆世界盃電視直播，並非個個都可安坐家中睇免費波，如飢似渴的球迷各出奇謀搵地方觀賞賽事，為滿足這班客人，各大商場都增設免費睇波專區，加上大搞氣氛猶如足球嘉年華，商場變成「球迷之家」，商場睇波一族更成為今屆足壇盛事的一大特色。
信和集團商場推廣總經理蘇蔡潔蓮透露，賽事期間人流達九百六十萬人次，較上屆升了兩成二，營業額達二億三千二百萬港元，較上屆升一成八。而德國對阿根廷的八強世紀戰就最熱鬧，當晚於場內及場外合共錄得三萬五千五百人次，創下全日人流最高紀錄。另外，觀塘apm亦透露，世界盃六十三場賽事期間的三十日，人流達到八百六十萬人次，較上屆升約一成五。
在「商場睇波潮」背後，其實有不少酒吧叫苦連天。於尖沙咀開樓上酒吧的Eric，坦言被商場搶了不少客：「本來預計世界盃期間營業額會大幅提升，但事實上有很多客都被商場搶走，連啤酒商的宣傳推廣重點都轉移到那裏，現時每晚的生意也只能與平日看齊。」旺角有茶餐廳負責人亦稱，因商場有波播，本來八十元的「睇波套餐」在決賽都不敢加價，以免「趕客」。