成千上萬的商場睇波一族，總有一些似曾相識的身影，原來有球迷以有直播球賽的商場「為家」，企足一晚仍樂此不疲。其中超級女球迷Anisa每晚十一時都準時在奧海城出現，她說：「屋企無得睇，惟有出街睇！」不過家人嚴禁她「蒲吧」，而她亦討厭有酒客抽煙，所以商場是睇波最佳去處，「好多球迷都一家大細嚟睇，呢度又有保安維持秩序，仲用專車接送觀眾離開，有啲座位仲有按摩器幫你揼骨，所以屋企人好放心畀我喺度『過夜』！」

Anisa「打躉」的商場提供按摩設備，令她可舒舒服服睇波。

女球迷Anisa每晚十一時都到商場睇波，直至清晨六時才回家。

一齊噓噓噓真係好High

Anisa的睇波熱情絕不遜於男波癡，她的時間表為晚上十一時抵達商場，霸定位看凌晨的賽事，逗留近七個小時，至清晨六時回家，小睡片刻，早上九時出門上班，每天在商場睇波的時間比在家逗留的時間多出數倍。講到睇波的日子，Anisa表情興奮：「仲記得英格蘭對德國嗰晚，當螢幕重播林柏特『入球』，全場都報以強烈喝倒采聲及大鬧球證。我係英軍Fans，梗係要盡情噓爆啦，真係好High！就係因為呢種激情，即使下屆世盃可以喺屋企睇，我都繼續以商場為家！」

在商場過夜的還有女球迷Venus，她是美容師，平時租酒店住，但為了睇波同樣加入商場睇波一族，她不認為這是「攞苦嚟辛」，「細個睇世界盃係唔使錢嘅，每次入球都聽到整幢大廈傳來嘩嘩聲，氣氛一流！」近年此情不再，再加上住酒店，無可能再嘗這種滋味。Venus稱，有次在商場購物時，見到球迷聚集看世界盃，勾起她小時候熱鬧睇波的興奮回憶，亦令她着了魔，晚晚都到商場感受足球狂熱。

回憶起整個月的商場生活，Venus表示最難忘是阿根廷對德國之夜：「我捧阿根廷，但估不到竟然輸四粒，嗰晚身旁有不少球迷喊出來，我亦感同身受！」

落幕化落寞防患情緒病

一個月的世盃熱潮在決賽後便會降溫，香港精神科醫學院李永堅醫生指出，賽事完結後，球迷會因頓失寄託、無法適應而引致情緒問題，若問題輕微，可聆聽輕鬆音樂、做運動及多深呼吸以放鬆心情。若問題持續或變得嚴重，應向醫生求助。

阿根廷	日　本	西班牙
南　韓	巴　西	德　國
英格蘭

臨床身心行為學家李寶能告誡球迷，賽事結束或會出現食之無味及失眠等徵狀，更有可能患上「精神衰弱」及「單思病」。