之不過，肥仔張有樣嘢點都搣唔甩，就係由細食到大嘅雪糕嘞，佢至今每日例必食一杯迷你裝雪糕，遇上禮拜三長駐立法會開會，就會買定啲存貨放喺立法會宴會廳個雪櫃，等食完飯歎番杯當甜品。

肥仔張最鍾意嘅味道係Summer Berries（仲夏野莓），可惜呢種味道冇得散賣，要綑綁式買四款鮮果口味嘅迷你杯禮盒裝，內含仲夏野莓味道外，仲有士多啤梨、杧果同香蕉味。

佢食食吓雪糕諗起以前嘅減肥經歷，就係食雪糕嘅分量要減半，食到一半就要冚埋個蓋，不情願咁放番入雪櫃，尋日見佢攞雪糕出嚟舔晒脷個樣，就知佢幾鍾意食雪糕啦！