建議裝小型冷氣被拒

九巴尚有一百七十多部非空調巴士，將於二○一二年全面退役。本報記者在本月五日下午，量度三部熱狗巴行駛時車廂的溫度，包括往來九龍城碼頭至白田的2Ｅ，荃灣西至梨木樹的36號，以及行走大埔工業邨至上水太平的73號。

當日下午，大埔區的氣溫達攝氏三十四度，在73號車廂內，記者在大埔站頭上車，車廂溫度達三十三點二度，八分鐘溫度更飆升至三十七點六度，全程一小時十五分鐘的行車期間，記者全身衫褲濕透，亦感到少許不適。「熱到簡直好似畀火燒咁！」長期乘坐「熱狗巴」73號返家的張婆婆大嘆，在高溫下乘「熱狗巴」很辛苦。

莊小姐 空中服務員 如果唔係趕返工，都唔會搭無冷氣嘅巴士，因為真係好唔舒服，個司機仲慘，隨時中暑，咁對乘客、路人都會構成危險。

李先生 商人 係「熱狗巴」裏面坐一陣，都成身出晒汗，咁樣真係好影響儀表！好多港人都重視儀表，所以夠期嘅熱狗巴應盡快換走。

記者亦訪問了數名休班車長，有駕駛十多年「熱狗巴」的車長直言：「不時有車長中暑或者身體不適，之不過好多時都冇報警。」另一名「熱狗巴」司機亦指，以往曾有車長建議在司機位加裝小型冷氣或冷風機，惟未有被採納，而有車長為了自保，只有自備噴壺向身上灑水降溫。

理工大學機械工程學系工程師盧覺強指出，要在司機位加小型冷氣絕對可行，亦不會引致車輛「死火」。