Hea，其實大人都係咁㗎啦，不為五斗米折腰的陶淵明說，「偶有名酒，無夕不飲。顧影獨盡，忽焉復醉」，這是醉Hea，盡得蒼涼之旨意，要是不懂飲酒，如何追求「漫說人生如寄，何妨詩酒留連」的境界？

大學問家梁啟超也會Hea，他有名言：「只有讀書可以忘記打牌，只有打牌可以忘記讀書。」這是慧Hea。

煲呔曾日日等退休，以便實踐「一簑煙雨任平生」，估唔到以「政治家」自居的煲呔曾愛彈古調，懶理「古調雖自愛，今人多不彈」，此可謂之喪Hea，我行我路，即使虛擬，舉世混濁，也值得掌聲鼓勵！

所以話，Hea亦是成人世界存在的一種現實，不是青少年的專利。「你今日Hea咗未？」漸漸會取代「你今日食咗飯未？」Hea當道，筆者不敢恃老賣老教訓青少年：勤奮是一種態度，態度決定成敗！做人不要太Hea，太Hea就會一事無成，從現在開始，用心做事，良禽擇木而Hea，學林公公喇！

不過，將光陰Hea在電腦上，雖然精神寫意，可生活上其他的煩惱，例如家用、稅單、水費、煤氣費、電費……卻沒有一個「取消鍵」可以避開。人生可Hea幾個十年？若然一日Hea足六小時，打機打到手抽筋，上網上到眼出血，咁Hea法，就如同靈魂被切除，想裝義肢都唔得！