發叔尋日自爆，話嚟緊七月尾將會一行十幾人勇闖潮州，由身為潮州人嘅立法會議員陳鑑林做嚮導，帶大家去搵好嘢食；去完美食之旅返港後，佢又會急急腳同鄉議局嘅同事到上海參觀世博。發叔話，佢之前已經分別跟區議會同立法會去過世博，今次去將會係第三次，可以做領隊帶路喇喎。到咗八月中，佢又會同朋友衝出亞洲，去浪漫古都布拉格行番轉，仲會坐郵輪添。咁多姿多采嘅暑假，問你服未？

向來識食識歎嘅發叔話完全唔怕暈船浪，仲慨嘆「工作長過命」，做極都做唔完，所以佢幾十歲人都一定會把握機會放暑假玩多啲喎！