科技大學獲得周大福集團主席鄭裕彤大手捐錢。彤叔以周大福鄭裕彤基金名義捐贈九千萬畀科大，支持科大興建一個科研教學大樓，依家棟大樓仲未改名，唔知彤叔到時會唔會冠名？不過，喺星期一嘅捐贈儀式上，兩個第三代接班人、乖孫鄭志剛同鄭志恒都會出席撐彤叔。
彤叔捐建嘅呢棟新大樓，將會設有跨學科實驗室同其他教學設施，為學生提供一個更佳學習環境同研究環境。彤叔過去都好支持教育，個孫鄭志剛更對大學生相當支持。本身係周大福董事嘅鄭志剛身兼新世界發展、新世界中國及新世界百貨嘅執董，呢兩年佢都喺旗下撥咗唔少職位出嚟畀大學生返內地實習，畀大學生多啲歷練。