吓！唔通佢都受腦癇症折磨？非也。唔係Gabriel身體有乜問題，實情係尋日佢出席一個關注腦癇症活動時，回想當年喺外國讀醫科，一般嘅英文醫學名詞都尚算可以應付，但偏偏讀到呢個病症時就頭都大埋。搞乜咁頭痕？

死記艱澀法文

佢話個病症本身都分好多唔同類別，最慘嘅就係全部都係法文嚟，惟有死記硬背。啊！原來畀法文難倒。咁法文有幾難？例如字典裏面中文簡單一句「十分差」、「幾差」，喺法文嚟講係好多個唔同嘅字。

講完求學血淚史，Gabriel話腦癇症其實係腦電波出咗問題，同心律不正冇乜分別，但係大眾對呢個病症唔係好了解，患者有時仲會畀人歧視，希望大家多啲關心同支持患者同其家屬。