身兼安老事務委員會主席嘅行政會議成員「金刀梁」梁智鴻，尋日去馬會出席「馬會社群盃」活動，提到成日畀人質疑自己係唔係長者，佢於是摷晒身上可以證明佢年齡嘅證明文件出嚟，包括長者卡同長者八達通等，證明自己的確已經年過七十歲。
佢仲不知幾驕傲咁自爆早前同太太去瑞士旅遊時發生一件有關年齡嘅趣聞，話說有一日喺瑞士機場等太太，等等吓瞓着咗，突然間有位外籍女士叫醒佢，對方好唔客氣咁話：「後生仔，你做咩唔尊重長者？」（Young man, aren't you got to respect the elderly?）原來金刀梁坐喺專為長者而設嘅櫈上。
嗰位女士可能老眼昏花冇睇清楚金刀梁喇，但係金刀梁被人鬧後反而好開心，因為仲有人叫佢「young man」，即係「後生仔」！