心術不正，一個人要多壞就有多壞，一如爛果報的淫賤黎，又造新聞又講大話，夠膽死話爛果報讀者人數已「超過主要競爭對手」，升至全港第一。

發夢冇咁早！淫賤黎就係愛亂放屁，原來爛果報所謂全港第一，居然係將報紙同網站嘅瀏覽數字加埋一起充大頭鬼，你話係咪笑死人？

事實勝於雄辯，根據全球四大國際市場研究公司之一Oracle Added Value的最新調查，《東方日報》連續三十四年全港銷量第一，讀者人數超過三百四十四萬，正是王者飛躍，誰與爭鋒？

講開又講，最近《太陽報》勵精圖治，唔搶早紙，為讀者提供更新更準更全面嘅資訊，正是「太陽在我手，大小新聞一把抓」。同一調查顯示，《太陽報》讀者人數接近一百三十萬。事實證明，《太陽報》大受年輕讀者喜愛，口碑大好，難怪廣告收入有雙位數字升幅！總之，《東方》加《太陽》，讀者人數超過四百七十萬，贏爛果報足足九條街，真係點到你唔服？

淫賤黎話爛果報讀者人數已「超過主要競爭對手」，升至全港第一，睇怕佢係發高燒，燒到語無倫次。淫賤黎看不到現實，自然不說人話！鬼話，繼續吹吧！