經濟動力嘅立法會議員Andrew梁君彥尋日去完立法會通過政改方案嘅祝捷會後，傍晚以職訓局主席嘅身份主持職訓局周年酒會，同時向大家介紹九月先正式啟用嘅香港知專設計學院新校園。佢力撐香港人設計潛能好大兼創意無限，如果商界再畀多啲舞台，相信港產設計人才可以揚名世界。
Andrew好開心咁話呢間新校園設計夠晒特別，專供搞創意設計嘅學生使用就最啱啦，咁先至有設計靈感，總好過喺傳統四四正正嘅校園返學嘛！而包括香港總商會主席胡定旭在內嘅眾多賓客都對新校園都讚不絕口，難怪Andrew成晚流露出萬事足嘅神情。
佢又盛讚香港設計人才揚名海外，好似福特汽車首席設計劉家寶咁，就係佢哋李惠利工業學院嘅舊生啦！咁仲有冇乜嘢不足之處，佢就話希望商界配合，畀多啲工作機會同埋培訓。肥胡喺度喎，拉住佢斟吓啦！