轟唐英年「打風落雨塌樹」論

蔡太直言，對丈夫死於塌樹之下，至今仍未釋懷。她嗚咽地說：「佢係近乎完美嘅絕世好男人，大仔出世時，佢專登放大假，半夜包辦換片餵奶；我廚藝好差，但老公每次都欣然食晒我煮嘅餸。佢真係好好，日日響地盤工作都好小心謹慎，估唔到會因為一棵樹而離開……」

對於康文署死撐上月曾目視驗樹，認為無問題，但事後亡羊補牢，用儀器輔助驗樹，並斬去十六棵問題樹木。蔡太說：「事前唔做足工夫，事後做咩都無補於事。」她形容，康文署死撐肉眼驗樹無問題是「絕對荒謬！成日話目視係國際標準，到底有無理據？驗樹嘅人係咪專業？有無接受足夠訓練？」蔡太更直指唐英年在蔡傑強過身翌日發表的「打風落雨塌樹」言論，有如利刀直刺其心頭最痛處。

蔡傑強在四名兄弟中排行最大，深得母親疼愛，蔡母稱：「傑強係老大，由細到大，屋企邊個有咩需要，佢做到嘅一定幫。」而每次蔡家的家庭聚會，多由蔡傑強充當大伙頭，負責烹煮十多二十人的餸菜，「佢炮製嘅魚翅同木糠布甸，我哋個個都鍾意食！」蔡家每一名成員對失去摯親，心情至今仍未平復。