所以話，啲高官根本不知民間疾苦，無視數以十萬計在職貧窮人口的水深火熱。今時唔同往日喇，舊陣時係「東家唔打打西家」，如今係「有工唔打實聽瓜」，張建宗噏得出就噏也。

美國有調查報告指，一個人賺的錢，百分之十二點五來自知識，百分之八十七點五來自人脈。筆者覺得張建宗高薪厚酬，百分之十二點五來自靠估，百分之八十七點五來自善預測。要言之，巧言美化幾句，人人自動有工開。張局長，真神人也！

有識者踢爆，按張建宗講法，僱員係自動離職，故失業率攀升罪不在政府。這好比有人評中國四大名著：《西遊》，出身不好，想成佛是有難度的；《紅樓》，出身不好，想嫁人是有難度的；《水滸》，出身不好，想當官是有難度的；《三國》，出身不好，想創業是有難度的。現在，我們可以加多項：有工唔做，想在職貧窮是有難度的。從張建宗的角度，根本就唔應該有「失業」呢兩個字存在；你失業，亦唔等同會貧窮。

暑假過後，青少年、大學生投身職場，如果發現一職難求，就要學張局長的樂觀精神，化身「零帕族」：他們棲身現代社會，生活有壓力，卻懂得化壓力為無形，不隨波逐流，保持豁然心態，就會覺得自己係「暫時自動離職」。邊個話我失業？