周文耀離開港交所時，好多人都估佢唔會再喺證券界活動，點知佢靜極思動三個月後，加入咗數碼港管理公司做非官方董事，任期三年。數碼港管理公司由政府全資擁有，主力負責發展同營運數碼港計劃。數碼港管理公司尋日開完董事局會議，之後就宣布由周文耀接替施德論出任董事局主席，兩人之前喺港交所董事會合作無間，交接應該冇問題。

除咗證券業務之外，資訊科技都係周文耀嘅專長，所以加入數碼港至為適合，佢可以喺財務管理同資訊科技方面發揮，況且佢亦喺○三至○七年擔任過數碼港管理公司董事。至於原主席施德論曾經係數碼港董事局首任主席，做咗七年終於退下火線。