25/06/2010

播放本新聞相關短片

泛民全面決裂互揭瘡疤

經過一連兩日、超過二十小時激辯,立法會昨以四十六票贊成、十三票反對(見表),通過了二○一二年特首產生辦法的首項政改決議案,第二項有關一二年立法會產生辦法的決議案,須留待今早九時正繼續辯論,預計今午可表決通過。昨日辯論焦點是民主黨大反擊,大翻連日猛批該黨出賣民主的社民連舊帳,又暗批對方才是中央在泛民的臥底。社民連則宣告與民主黨「分手」,並揚言退出泛民飯盒會和拒絕與該黨就明年區議會選舉協調,意味泛民正式全面決裂。

連日捱打的民主黨昨傾巢大反擊,點名批評社民連三子無理取鬧,並強烈譴責指民主黨元老司徒華「癌症上腦」的社民連梁國雄。多名建制派議員及港府官員讚揚民主黨願意妥協,體現了「求大同,存大異」的精神,應為自己的表現「感到自豪」,批評社民連的言論有欠公允甚至等同「霸權」。

黃成智翻提名特首舊帳

民主黨黃成智及甘乃威更刻意待社民連三子就特首決議案全部發言後,才突然舉手發言狠批三人,令社民連無法即時還擊。民主黨黨團召集人李華明炮轟社民連「靠惡」,又翻舊帳:「唔好忘記,○五年(社民連)陳偉業寧願提名曾蔭權做特首,都唔提名李永達,依家咁講民主黨係咪公道?」黃成智慨嘆現時謾罵成為主流,更以其人之道以陰謀論思考:「我可以覺得社民連係中方派入嚟嘅代表,派入嚟攪亂民主派的團結,但我冇證據,我唔可以咁做!」

社民連前主席黃毓民就首項決議案發言時,以《同志們,今天我們在此分手》為題,引述民主黨○八年參選立法會的政綱,指摘該黨「背信棄義、出賣選民,不再是民主派」,將與該黨正式「分手」;另一社民連議員陳偉業更狂轟民主黨「過橋抽板」、「奸狡」,應改稱「騙子黨」。黃毓民稍後發言更指部分批評他的言論有誹謗性:「往後日子山水有相逢,拳頭有相聚,同你慢慢計!」

民主派散咗翻身會好難

何俊仁回應分手論時稱黨與黨的合作要「順其自然」,不會強求合作機會。公民黨黨魁余若薇希望兩黨冷靜處理關係。職工盟李卓人對兩黨爭拗感到心痛,直言「民主派散咗,以後翻身會好難」。

政改方案次日辯論議員重要發言

民主黨何俊仁:社民連好強烈話要開除民主黨喺民主派嘅會籍,話要永遠分手,我有四個字回應:順其自然。

民主黨涂謹申:我覺得呢個方案不能接受,我係同民主黨有策略嚴重嘅判斷不同,我選擇留低,但仍然會同其他泛民主派,包括社民連同公民黨一齊爭民主。

職工盟李卓人:民主派散咗,本身抗爭力喺度,但條氣洩咗、翻身難咗;聽到毓民嘅分手宣言,我覺得好可悲。

民建聯陳鑑林:泰國紅衫軍集會之前,我哋對佢哋有乜睇法?我哋若果都採取過激行為,國際社會會用乜目光看待香港?

工聯會王國興:我哋每日都要刷牙,要擠牙膏,唔係一次過將啲牙膏擠晒出嚟先叫民主㗎嘛。成口都係牙膏,點刷牙呀?

自由黨劉健儀:如果係自由黨將一人兩票方案交畀政府,佢一定請我哋食檸檬!「有事鍾無艷,無事夏迎春」,希望政府畀多啲耐性支持政府施政嘅人士,聽吓同接納佢哋嘅意見。

社民連梁國雄

一句憤慨之言唔會令一個人病重。華叔都鬧劉千石係猶大,呢個係對基督徒最狠嘅詛咒,我都唔認為佢要道歉。

社民連黃毓民

一個七十九歲嘅老人(司徒華),加埋民主黨六人政制小組,同共產黨進行暗室政治,出賣選民,社民連被迫要同披着民主派畫皮嘅政客分手!