三十歲被告邵偉端昨日出庭時頭髮不修邊幅，面容憔悴。當他述及與原告T女士（約四十多歲）秘密交往兩年後，他與女友結婚並有意結束與T的關係但不果時，他無奈表示「我用過佢（T）咁多錢，我冇得揀」，故當時他雖不情願，但仍按T要求赴新加坡「偷情」，未幾T得悉他在澳洲已婚的秘密後，便即時「反面」入稟向他追討逾千萬元巨款。

被告作供指，○五年由友人介紹下結識T，T明知他當時僅是「收數員」，並無私家偵探專業資格，但仍相信他有能力偵查富商男友。被告指期間與T關係「好好」，除每日致電報告外，T亦會替他煮飯煲湯。

「用佢咁多錢 我冇得揀」

至同年八月，兩人除「行街飲嘢」外，亦會到酒店性交，更於○六年二月，租用深井縉皇居達五個月作陽台，「唔使經常去酒店」。

被告期間知悉T好有錢，除獲富商男友送贈酒店股份外，亦知她在內地有兩間廠，每月收百幾萬元人民幣，所居物業亦值三千萬元。被告承認先後收取T共一千七百多萬元，但款項全屬T給他「做生意」及「執好個樣」，並無任何條款，被告更稱「總之我開咩（公司）都得（收到錢）!」被告最後開設私家偵探社，又往澳門賭錢「賭到黐咗線」，但T均對款項並無過問。

在○七年六月被告與女友於澳洲結婚，同一時間T則稱會帶一對子女到新加坡找學校，要求被告同往，但他「個心唔想去」。被告昨對此解釋，搖搖頭坦言「好似永遠（與T）都黐埋一舊，有點想離開，唔想咁煩！」律師追問「唔去會點」時，被告眼紅紅道：「我用過佢咁多錢，我都冇咩可以選擇，我冇得揀，要去囉！」

案件編號：HCA 2229/07