基哥本身係英格蘭捧場客，但佢竟然唔爭愛隊，直認今年歐洲球隊表現好差，個個都踢得好錫身，朗尼仔直情踢到散晒，反而未出名嘅口靚仔仲有睇頭。不過，佢都幫愛隊講番句公道話，話歐洲足球球賽戰事連連，所以今次佢哋表現得唔好，都唔係完全冇道理，仲好中肯咁話入到圍嘅機會好微。

同場又見到啱啱喺瑞士日內瓦開完會返嚟嘅廠商會副會長施榮懷，佢都好認同今屆嘅賽事令人好失望，好似有晚佢睇科特迪瓦對葡萄牙，兩隊好似水兵鬥海軍咁，睇到佢好勞氣。