早幾日行經中環，見到KK喺間快餐店人堆中排隊買飯盒。撞正食晏時間，人龍打晒蛇餅，佢排咗十幾分鐘先輪到佢落柯打，叫咗個滑蛋飯，盛惠四十蚊。

問佢做乜咁慘捱飯盒，KK笑住擰頭：「今日叫豐富㗎喇！」佢話中環生活指數高，係咁意買個滑蛋飯，唔連飲品都要四十蚊，好乸脷！佢話撞啱時間充裕，會行上中環政府總部嘅餐廳買飯食，事關嗰度中午飯盒只賣三十幾蚊，包埋例湯或熱飲，抵好多喎。