「6．23」政改表決前夕，各黨各派都做好萬全準備，專業會議立法會議員梁美芬就會由今日起北上三日，不過，佢會趕及表決前返香港，喺議會投下神聖一票。佢話，今次係帶領一批城大法律學生到上海復旦大學交流，順道親身了解吓依家啲「80後」、「90後」嘅想法，同埋抽時間去上海世博行個圈，彌補上次立法會世博團走馬看花嘅損失。
梁美芬當年喺中大讀咗五年書，其中三年分別去咗美國、法國同北京交流，深深領會到讀萬卷書不如行萬里路嘅道理。做咗教授後，佢都好鍾意帶啲學生外出交流，不過，對上一次帶團已經係十六年前，當年跟佢一齊出遊嘅學生，有啲已經做咗律師，有啲仲做埋法官添。