工聯會尋日喺上水搞咗一項名為「Cooking papa—父親節烹飪親子樂暨低碳生活嘉年華」嘅活動，葉偉明話，佢已經結婚三年，好想嚟緊一年嘅父親節有個BB同佢慶祝，不過最近佢為政改同最低工資立法等工作忙到飛起，陪太太嘅時間都好少，點「造人」呢？

不過，佢尋日即席表演廚藝，煎太陽蛋都有板有眼，佢話自己最拿手係煲湯同蒸肉餅畀太太食，不過對上嗰次落廚煮飯都已經係三個星期前嘅事。