顧生當時講明唔需要冠名，但吳校長就游說佢，講咗好耐，顧生先肯接受。捐助教育唔手軟嘅顧明均話，做父母就要供書教學，而學校資源不足，政府補助又唔夠，會難為咗校長。講到呢度，佢大讚吳校長同其他大學校長都係為天下學子盡父職嘅慈父，如果自己有能力、有機會嘅話，佢唔介意再捐少少。不過，顧明均都好幽默，叫大家唔好以為佢有好多個億。

熱心教育之外，顧明均仲係全世界Screaming Eagle最大收藏家之一，今個月初，佢喺美國加州著名釀酒區Napa Valley新一屆佳釀拍賣宴會上，以一百五十幾萬元投得一支極罕有嘅六公升Screaming Eagle紅酒。佢話呢次都係做善事，因為收益會幫Napa嘅醫療同教育，等老年人同青年人受惠。