五散人中嘅資訊科技界代表「IT豪」譚偉豪透露，佢已經通知咗其他四散人，即廠商會林大輝、會計界陳茂波、保險界陳健波同醫學界梁家騮，二十三號政改表決當晚共同進退。佢話，考慮過當晚所有可能狀況，如果當晚十點前未能投票，就一齊前後腳走先，避免完會時示威者起哄包圍立法會走唔甩。

如果表決咗，無論方案過唔過，都一定冇辦法走，所以五散人已經合作輪住book房，由當晚十點book到第二朝，除咗休息，仲可以睇波。IT豪話當晚有英格蘭對斯洛文尼亞同德國對加納，就算被困立法會幾粒鐘都唔怕悶啦！