大約半年前先去過日本九州自駕遊嘅任總，尋日喺網誌上分享佢同太太嘅北海道之旅。呢次佢去咗洞爺湖、小樽、札幌同函館，任總話可能以往冇去過嘅緣故，所以覺得函館特別好，仲話鮮鮑、北寄貝同毛蟹等海鮮都非常美味，見到開得非常燦爛嘅櫻花亦好驚喜。六月仲有櫻花睇，難怪佢喜出望外。

將就人民幣離岸中心演講

任總係中大全球經濟金融研究所研究員，佢話研究所會喺下禮拜一有場演講，佢預告到時會就人民幣離岸中心發言。其實睇到任總兩公婆嘅旅行合照就可以想像，佢得閒就去外遊、久唔久就去演講嘅退休生活係幾咁愉快，話唔定遲啲佢變成日本通，可以出旅遊書講日本自駕遊攻略。