本文重點
【兩岸組記者報道】「我哋都覺得佢（賴女）嘅生活唔係咁檢點，懷疑佢瞞住三弟（姓葉傷者）結交其他男友，所以我哋屋企人都反對三弟同呢個女人喺埋一齊，但係三弟唔肯聽，依家搞成咁，我哋都好傷心。」葉的二哥尚偉，昨晚在家鄉平山鎮談及三弟今次血光之災，不斷搖頭慨嘆。
二奶與男家形同陌路
葉有兩名兄長，他排行第三，兩兄長都住平山鎮。葉母（七十九歲）三年前由港回鄉養老，住在次子家，父親（八十一歲）居港。葉的二哥表示，他與家人其實一向都反對三弟與賴女「黐埋一齊」，母親亦勸過多次，但忠言逆耳，三弟始終不肯聽取勸告，家人「都唔知佢點諗」，結果落得如此下場，家人只感無限唏噓。
二哥稱，三弟以前回鄉時，都會到其住所居住，但自從認識了賴女後，已沒有入住，且甚少過訪；而賴女亦心知男方家人反對他們同居，絕少到男方家中探訪，更遑論看望「家姑」，就算她誕下女兒後，亦絕少與男方家人來往，雙方有如陌路人。