肥亨上電台本來係為咗正生書院，想提醒大家莫忘正生事件已過咗一年，但遷校問題仍然膠着。主持人順便問佢點睇政改，佢話政治係一種妥協，無論中央同泛民都應該一人讓一步；主持人問佢點睇白鴿黨嘅區會方案，佢就直話直說讚白鴿黨嘅方案幾好吖！

大膽論政之後，肥亨講到退休心得亦頭頭是道，尋日出席一個退休策劃會議時，教大家退休前要有心理準備，訂下明確目標，否則好易唔適應，諗埋一面。佢以自己為例，話當年辭官後馬上搵咗三份無「糧」工作，包括去大學講書、幫教會做見證，同埋主持電台、電視節目，結果愈忙愈起勁。