本文重點
【本報記者】本港風季未到，災禍先至，冧完招牌又冧樹，途人無辜辜陪同，難道呢個政府流年不利？還是吵吵鬧鬧招惹衰運。有堪輿學家分析稱，今年除因金木相剋，易有塌樹招致傷亡意外，最主要是曾蔭權犯太歲易招惡運，加上是非多多，「佗衰」本港運勢及局勢動盪，愈做愈「超錯」，激發民間怨氣不息。
堪輿學家麥玲玲表示，雖本港近期表面上無風無浪，惟因本年屬金木相剋的庚寅年，受天干地支影響，容易發生高空墮物、樹木倒塌、招牌塌下或山泥傾瀉，引致嚴重傷亡事故。她指曾蔭權按生肖今年犯太歲，是非多多，又易招惡運連連，難免拖累本港運勢，影響局勢動盪不安。
「唔應該推行咁多新政策」
麥笑稱，「其實佢（曾蔭權）今年唔應該推行咁多新政策，盞激起民怨，四圍辣㷫火頭」，愈做愈「超錯」。她相信未來數月仍然難捱，要待秋天過後，情況才有好轉。
堪輿學家李丞責亦指，今年本港受流年飛星影響，易有山搖地動的罕見無妄之災，而曾蔭權沖太歲，更影響社會湧現紛亂，興波作浪，令本港運勢走下波。他指天災橫禍難以預計，只能遠離巍峨大樹免招損傷，至年尾本港才會逐漸轉運。