明日是端午節，不少市民忙於購買應節食品。位於九龍城衙前圍道的上海鴻福號，店前放滿各款條狀的上海糉子。店東婁先生表示，生意與經濟環境成反比，經濟好人們傾向選購集團式酒樓的貴價糉子，經濟差才會選購街坊的平價糉子，所以今年生意額漲四成，「特別多咗大客仔，成百隻糉一車一車咁買，係啲老闆買嚟獎勵員工嘅，但唔會有其他賀節飲宴嘞。」

朱先生（建築業） 係貴咗少少，一年一次無所謂啦，特登睇潮州糉，因為呢度啲糉夠多餡，好味啲。

江女士（主婦） 之前嚟買過，阿女話好食，所以住屯門都出嚟買，潮州人過節梗係食番家鄉嘢啦。

潮州雙拼糉抵食

婁續指食材價格雖上漲，但堅持售價不變以圖薄利多銷，上周末是買糉的高峰期，市民特地買糉探親，「愈多蛋黃愈好賣，送畀朋友夠體面」，故最熱賣是二十元一隻的鮮肉糉，以及在港較少見、售二十八元一隻的金華火腿蛋糉。

另一間葉盛行食品公司店東劉女士稱，食材中單是綠豆已從六元一斤漲至十二元一斤，糉子售價也被迫提高三分一，令銷情大跌，由過往日賣逾千隻減至三百隻。

鄰店元合的潮州糉亦掛滿店前，店主鍾先生謂日賣過百隻糉，因糉子並無漲價，感覺生意更勝去年，最受歡迎的便是潮州雙拼糉，因為「抵食、大隻又多料」。滿頭白髮的辛伯伯昨便一次過買了十二隻潮州雙拼糉。