本文重點
在內地名人輩出嘅中央財經大學會計學院向本港商界猛人招手，邀請多位重量級人士做榮譽顧問，包括何鴻燊博士、郭炳湘博士、協成行主席方潤華博士、馬時亨教授等。尋日財大喺港舉行榮銜頒授儀式，為遷就康復出院無耐嘅何鴻燊，更破格將儀式場地改到香港上環信德中心。
「點解唔搵我講嘢？」
尋日個頒授儀式可謂簡單而隆重，何鴻燊睇嚟精神好好，反應又佳，仲不改一貫風趣幽默嘅作風，當見到老友方潤華代表大家發表講話嗰陣，向來能言善辯嘅何鴻燊就問身邊嘅人：「點解唔搵我講嘢？」大部分獲頒榮銜嘅名人都有親人撐場，好似郭炳湘有太太李天穎、方潤華有兒子方文雄、肥亨就有太太王培琪等。
中央財經大學已有六十年歷史，素有「中國財經管理專家搖籃」嘅美譽，充分發揮國家部委同地方政府決策智囊團，所以被該大學挑選做顧問，一啲都唔簡單。