大澳水鄉風光獨特，曾有「中國威尼斯」美譽，信和集團旗下公司計劃將舊大澳警署活化為四星級精品酒店，打算由信和太子爺黃永光主理，信和總經理兼鄉議局主席劉皇發女婿余漢坤（Randy），就負責籌備，佢喺大澳土生土長，對大澳好有感情，真係呢個計劃嘅最佳人選。
Randy喺大澳讀到小學五年級先去外國讀書，童年記憶好多，仲順理成章成為呢個計劃內其中一個口述大澳歷史嘅人。據講，精品酒店嘅裝修動土儀式暫定喺本月十七號舉行，屆時發展局局長林鄭月娥都會到場主禮。Randy話，為咗今次動土儀式，佢四出搜羅大澳地道小食，包括鹹甜茶果、大澳蓮香酒家奶皇包、寶蓮禪寺杧果糯米糍、紫貝天葵茶等，並將小食做成迷你型，方便嘉賓一啖過品嘗，不過最終菜單仲有待拍板。