特區政府大玩起錨騷，一眾問責官員真係好唔得閒，政制及內地事務局局長林公公尋日偷得浮生半日閒，喺第二波起錨大戰前夕，抽空陪太太行街Shopping。尋日下晝近六點，佢同太太喺中環國金商場行街，不過佢哋似乎冇乜嘢睇中，喺商場行咗一輪後就空手離開。
尋日下晝六點幾，一身便服嘅林公公企喺國金一間超市外，便服上並冇佩戴同佢形影不離嘅「起錨」襟章，只見佢雙手插褸袋好似等緊人，但表情就好鬱悶，十足「拋咗錨」咁。幾分鐘後，太太由廁所方向步出，林公公先重新起錨，同老婆手拖手去停車場攞車。
問責高官今日又要落區，唔知佢係咪想補番家庭日嘅損失，早一日同太太行街街，費事畀太太詐型呢？
