含住金鎖匙出世嘅Adrian唔係大魚大肉慣，反而鍾意食清淡嘅嘢，今次佢哋集團食肆推出咁有心思嘅低碳食品，都可以睇到Adrian嘅個人口味。好似萬麗海景酒店「食得有良心」低碳餐，主菜有蒸本地海蝦、烚嘉美雞胸同埋金菇牛肉卷可供選擇，符合就地選用食材嘅環保原則。飯後再嚟一客法式全麥薄餅配燴草莓，就更加令人身心滿足嘞！

除咗低碳飲食之外，佢哋聽日會開始為期一個禮拜嘅「新世界綠色周」，各種創意活動接踵而至，包括員工着綠色衫返工、過綠色生日會，又會獲派有機生果，一句講晒，Adrian要大家對綠色生活有深刻體驗。