但凡有親友生日，王太都會選擇喺呢度慶祝，仲例必點出名軟滑又夠彈牙嘅稻庭烏冬，而向來係「愛妻號」嘅王守業都愛稻庭烏冬，但太太愛熱食，佢就愛凍食。

至於被形容為「把自然界的福融入到食物的藝術」嘅懷石料理，亦係王太嘅至愛，懷石料理將最時令新鮮嘅食材入饌，佢讚灘萬好細心，知佢唔食魚生，好多時都會幫佢轉用其他食材，令王太甚為欣賞。