香港號稱國際都市，但有些事真係唔講都唔知，好像消防處仍以人手處理每年逾十四萬張消防設施檢查結果證明書，唔怪之得巡查全港二萬二千間食肆一次，需時四十年，真係火若有情火都熄！

見微知著，筆者想起東亞運淨係售票混亂都搞到天怒人怨，如今港府又好大喜功，心戰室事先張揚政府準備動用三百億元申辦二○二三年亞運會。唔好話筆者潑冷水，一個東亞運都搞到一鑊泡，政府以為搞作多些國際盛事，就可以掩蓋「政不通、人不和」的深層次矛盾嗎？濫花公帑對這個政府來講已是家常便飯，例如購買三百萬劑豬流感疫苗，結果變成倒錢落海；又用一億五千萬元搞立法會補選鬧劇，結果是浪費公帑，吃力不討好。

港府若真的要搞面子工程，以一眾高官等退休的心態，即使爭辦亞運成功，也只能丟多一次面子！

學者吳稼祥說，任何東西，適量是藥，過量是毒，科學與民主也不例外。不過，科學與民主在西方可能有過量的問題，但在中國顯然不足。

香港要辦亞運，無疑是過量了！文化與創意還在啟蒙階段，卻整天妙想創造奇迹，那是瘦骨嶙峋卻要參加舉重。