尋日佢出席電台節目時被問到UIC時即大吐苦水，話本港同內地有唔同體制，喺內地辦學有好多困難同挫折，例如喺內地要同中央、廣東省、珠海地方政府各級官員打交道，依家叫初有成效。佢仲話可以參加國家高等教育改革，擴大浸大教育平台，感到好有意義。

有指佢退休後出任UIC校長備受質疑，佢即時自辯，話校董會知道呢間院校係浸大重要項目，未來仍要面對好多挑戰，加上即將接任嘅浸大新校長要專注浸大香港校園嘅工作，所以校董會想佢退休後做多幾年UIC校長，佢係喺義不容辭下先答應。

吳清輝又話太太對佢呢個決定有啲意見，更反問佢：「係咪真係要做？」最終佢要以「珠海環境都唔錯吖」去說服太太。