香港其實也好不了多少。你看煲呔曾一招「假諮詢真拖延」，對「資助置業」的議題就可一閃而過，五個月諮詢期間，佢又可晚晚睡得賊死！如此重大議題，竟只靠吹水廢噏，沒有嚴謹的程式啟動諮詢，咁就可以呃到班議員收貨，你話係唔係低智商社會才有的表現？

教育局花上年半時間研究「分拆課本、學材和教材定價」，原先只想減低書價，最終分拆失敗，減書價無期，又係苦了家長。出版商有其難處：成本、租金上升；學生人數下降；通脹持續；就算今年凍價，明年都一定要加，說不定加得更兇。換言之，教育局只是把教科書的加價問題「順延」一年，這樣能解決問題嗎？

教育局明扮鴕鳥，卻煞有介事向學校發通函，要求學校不得向出版商索取免費教材、捐贈儀器、刊登校刊廣告等，以避免浪費及減低成本，講到學校好似係教科書年年加價的元兇。當然，有啲「人情世故」嘅陋習要改，但若然教局、出版商鬥卸膊，不肯認真搞好分拆，則教科書加價，家長在劫難逃也。

香港教育浮誇的政策多，只着重學生應試技巧，不培養獨立思考，一味搞成事不足的花架子，連教材分拆都咁多阻滯，教育改革怎會不失敗？