疑出錯未及早報告

呂母直接問梁錦雪：「既然你懷疑支針無消毒，點解仲用落去，而唔查清楚來源，查清楚清唔清潔，點解唔再檢查？」梁解釋因她最關心消毒問題，轉針後她認為已解決問題，故未再查證。呂母又關注：「你跟住個禮拜要考試，咁你考試同打錯針有無關係？」梁低頭沉思一會後嘆道：「（考試）唔完全解釋到件事，但的確我心入面係成日諗住個考試。」

呂母透露，她是在六月二十日下午才獲告知打錯針事故，但梁聲稱十八日已發現出錯報告上級：「點解我咁遲先知道？」呂父為此更質疑：「你真係十八號突然醒覺打錯針，定係十五號當日已隱約覺得唔妥，但你唔知會致命，所以諗住睇吓有咩效果先呀？」

梁錦雪答道：「我可以老實話你知，我真係十八號同陳冬青醫生傾開，先至發現出錯。」她形容自己當時十分震驚，已即時向上司報告。死因官亦協助解釋，指莫樹錦醫生的證供已顯示，一眾高級醫生認為要先查證確定病因才通知家屬，故呂母要待二十日才知真相，全是該批醫生決定，與梁無關。