自稱獨立資訊保安研究員嘅黎焯東去信立法會，指IT豪喺○八年宣布參與立法會資訊科技界前，喺有線電視播一套名為《IT達人Talk》嘅宣傳短片，佢當時就因此向政府有關當局投訴IT豪賣政治廣告。他笑言，踩入電子媒體政治廣告灰色地帶嘅「老祖宗」唔係劉慧卿或建仔，而係IT豪本身，所以由IT豪主持討論商台風波嘅相關會議係自打嘴巴，根本唔應該由佢主持會議。

IT豪覺得黎焯東去信立法會都係好心提醒啫，所以佢會小心處理，先問秘書處同立法會法律顧問意見，如果真係有唔恰當嘅地方，佢會讓畀高達主持會議。不過，呢件事又涉及高達嘅黨友劉慧卿，由佢嚟做代主席又有冇利益或角色衝突呢？