200蚊買靚鞋執到寶

美國品牌Banana Republic係潮人至愛，西裝以用料靚、剪裁合身見稱，Bunny鍾意其設計夠低調，唔會將品牌名外露咁招搖，佢揀咗件灰綠色西裝，配襯Abercrombie & Fitch綠色拼粉紅色格仔恤衫，形象即時Young晒，下身襯埋同樣係美國品牌嘅L.L.Bean休閒褲，輕鬆得嚟不失莊重。呢三個名牌同佢好有緣，通通係佢有份製造嘅產品，實行肥水不流別人田。

但講到買鞋，就要幫襯其他人嘞。佢腳上嗰對就係出自阿根廷設計師手筆，係早前去南美旅行嘅戰利品，雖然唔係名牌貨，但用料係羊仔皮，着上腳後舒服到唔捨得除，佢一口氣買咗米色同白色，每對只係二百幾蚊港紙，認真執到寶！