張金妹婚後隨夫居於艇上捕魚維生，十八歲首誕麟兒，前後共誕下七女兩子。她憶述，當時每天要捕魚餬口及打理家務做到凌晨，「在船上啲滾水喺船上搖晒出嚟，大髀都淥到傷晒！」為免子女跌落海，她自創為他們綁着葫蘆，即使跌落水也能浮起。

不能過於溺愛

一家為捕魚更常要遠離沿岸區，她最怕子女生病：「個三仔六歲時肺積水要入院，我要撐船上岸將個仔送去醫院，住咗院兩個月，日頭我就要去照顧佢，夜晚冇時間煮飯，啲仔女咪要食餅乾囉！」她又謂，幼子出生時缺人奶：「炒熟啲米再焗米水畀佢飲囉！」

現時張金妹的九名子女已事業有成，更為她添下三十多個孫兒。這位「模範媽媽」寄語時下人，教子女不能過於溺愛，讓他們適應環境才是最重要：「唔使長氣！有飯食飯，畀多啲自由佢哋成長啦！」

「媽媽的心態」也隨時代轉變，三十二歲的梁太育有兩名兩歲半女兒及六個月的兒子，家庭每月收入四萬多元，大部分都花在女兒的小一準備班及興趣班學費上：「依家賽跑個起點已經定喺兩歲，有家長話，冇四級鋼琴都入唔到一年班！」

二十六歲的新婚女士李太則擔心經濟負擔重，目標是儲夠十萬元才生兒育女：「供樓要畀錢、奶粉要畀錢，就算生都係生一個就算，唔想經濟負擔乘二、再乘三。」