在香港，不顧一切的問責高官就多咯。好似環境局局長邱騰華對本港空氣質素惡化束手無策，只識推出連串惡評如潮的政策如停車熄匙、膠袋稅等，添煩增亂。高官亂搞，老百姓真拿高官沒辦法。筆者到超市購物，畀多五角膠袋稅冇問題，只是太煩，每次都要話：「唔該！要袋！」遇到相熟的收銀阿姐，仲畀佢撩：「乜你成日唔帶袋㗎！」有時都幾鬼尷尬。

邱騰華要「為藍天打氣」，卻拿不出一招半式，變成「讓市民谷氣」。大熱天時要人停車熄匙，漠視實際情景，尤其職業司機，停車熄匙更是傷車兼傷身，甚至與客人傷和氣。搭的士送焗桑拿，有冇搞錯？這不是添煩增亂是甚麼？

事實是，港府漠視空氣污染源頭，不理環保人士提出改善空氣質素的真知卓見：如可盡快淘汰舊式柴油車、更新巴士車隊等，惟政府大方向政策毫無頭緒，卻拿小市民開刀，真是豈有此理！地球之友的朱漢強批評得好：本港的官員均是政務官出身，非環保專家，科學問題應由科學解決，他質疑政務官如何有科學知識推出行之有效的解決方案。

好一句「科學問題應由科學解決」，如今科學問題卻由戇居政策搞笑，上帝真拿你沒辦法。