喺上一次嘅民調結果顯示，葉劉連十大都唔入，點解突然間飆升到頂呢？葉劉相信見報率同民望係成正比嘅，而佢以前評論政策都比較低調，只係寫吓文章回應咁，而今次能夠登上榜首，可能同「羔羊廣告」有關。佢話：「強拍唔受歡迎，賣羔羊廣告支持小業主，得到專業人士同中產支持！」

葉劉喺三月初刊登全版廣告，高調批評發展局局長林鄭月娥降低舊樓強拍門檻，形同「搶走窮人唯一的小羔羊」！之後曝光率大增，林鄭仲喺電台上同佢隔空火併。

喺強拍爭拗期間，坊間突傳出葉劉咁高調登廣告同林鄭打對台，質疑係因為佢兩個喺下屆有政務司司長之爭。姑勿論點都好，依家葉劉做咗十大議員之首，都係多得林鄭幫佢谷人氣啫！