05/05/2010

播放本新聞相關短片

任意網為:性奴男血史

小白觀點:AV癡女冇花假

日前有個癡情漢,據說女友成日笑佢交唔到貨,最後搞到琵琶別抱,「愛人結婚了,新郎不是我」,呢位哥仔一時感懷身世,憤筆疾書寫低三頁紙,盡爆佢做性奴任女友魚肉嘅悲慘日子,讀起上嚟真係一字一淚,聞者傷心,讀者流淚呀!

不過,網友似乎冇乜同情心,仲C住半邊嘴笑。咁又難怪,麻甩仔睇得AV多,見識過日本嘅癡女系列。乜嘢係癡女?小弟平日睇開Discovery Channel,唔係好曉,不過聽豪伯話喎,片中癡女個個如狼似虎,出奇咁主動,好似要想將男人食落肚咁滯,凡老狗日思夜想都渴望撞到一個半個。可惜現實生活中,好多麻甩仔識親啲女仔都好冷感,連摸吓手仔都話會生BB。依家睇到呢單新聞至恍然大悟,原來天下間真係有花癡類物體,多得呢位癡情漢報料,令唔少宅男當堂有番人生目標!

Blog:http://sunsiupak.blogspot.com

阿豪觀點:兜彎自讚幾醒目

「起來,飢寒交迫的奴隸」……勞動節啱啱過,唔好以為香港雖然冇澳門咁激,原來都有人響應《國際歌》呢句歌詞……之唔係不滿自己畀女友當性奴憤而寫遺書,惹來自殺疑雲嗰個哥仔囉!

不過呢單嘢真係惹得人浮想聯翩,佢話佢女友一日要求做三次,因為滿足唔到對方需求,搞到情緒低落。問題就喺呢度嘞,日日三次你估嘢少呀!記得幾年前有個調查,話港人做愛嘅次數係平均一個月唔夠七次,排行全球尾二。「性奴男」達唔到標係唔出奇嘅,但係如果佢爭少少達標呢?譬如話只係可以六日做十五次,唔多唔少爭一次,咁咪係超人!

所以話,呢位哥仔呢一種迂迴嘅自我吹噓手法,真係幾醒目。睇住嚟啦,遲早又有無聊周刊走去訪問佢,大揭佢嘅「辛酸史」㗎啦,各位巴打等睇嘢都得啦!

Blog:http://lukchiho.blogspot.com

網友觀點

賓 仔:拍番齣性奴獨白,搵呢位癡漢做顧問夠晒噱頭!

吳 德:疑似自殺搞到浪費咁多人力,認真大整蠱!

哨牙仔:女友嫁人佢唔使再做性奴,應該開心,做乜咁愁?

黃居士:放低遺書就鬆人,感情事都係咁瀟灑就唔使煩囉。