好多打工仔會將「唔使做、有得
」呢句說話掛喺口邊，不過現實中冇乜幾多人做到，煲呔曾可能係例外。事關煲呔曾呢個四月幾乎唔使做，月初復活節休假後，佢跟住飛北京、海南島，啱啱返嚟唔夠幾日，又趕喺世博開幕之前去趁熱鬧，仲乘機遍遊長三角幾個著名城市添。其實佢年初至今，已經三個月內休假三次，累積日數等如翹埋雙手唔做嘢半個月，期間仲成日離岸，咁容易就打好呢份工，年四百萬元人工，咁好嘅工去邊度搵呀？
」呢句說話掛喺口邊，不過現實中冇乜幾多人做到，煲呔曾可能係例外。事關煲呔曾呢個四月幾乎唔使做，月初復活節休假後，佢跟住飛北京、海南島，啱啱返嚟唔夠幾日，又趕喺世博開幕之前去趁熱鬧，仲乘機遍遊長三角幾個著名城市添。其實佢年初至今，已經三個月內休假三次，累積日數等如翹埋雙手唔做嘢半個月，期間仲成日離岸，咁容易就打好呢份工，年四百萬元人工，咁好嘅工去邊度搵呀？
煲呔曾呢個月二十六號離開上海之後，轉咗去江蘇考察，新華社尋日出稿，報道佢喺無錫市會見江蘇省委書記梁保華，末段就踢爆佢除咗去無錫之外，仲周圍遊覽，足迹踏遍六朝古都南京、揚州、泰州同以古典園林聞名天下嘅蘇州，三十號先至再返上海，出席世博嘅開幕式。
翻查紀錄，煲呔曾喺二月十六號至十九號離港休假攤抖；半個月後，佢喺三月七號至十號又休假，呢次仲悉心安排喺列席完北京「兩會」之後，如果佢留喺北京度假，就連飛機票都慳埋；一個月唔到，三月三十一號至四月五號佢又再離港休假去。咁悠閒去度假，仲記唔記得香港嘅政經大事㗎？佢曾經自爆朝朝早都諗緊退休，睇嚟呢鋪等退休嘅癮真係好大，點解唔早啲提早退休，求仁得仁呢？