本文重點
【本報訊】「點解呢個人錯咗十七次都唔釘佢個牌，要等佢錯到第十八次撞死我個仔？」車禍死者倪銘堅是家中獨子，倪母昨聞判後在庭外悲泣，促政府正視馬路危機，「人命好緊要，兩個半月實在係太輕，但我尊重法官裁決，其他就等個天去判啦！」被告親友則不滿判刑太重，揚言上訴，且向死傷者親友喝罵，令人側目。
「我得一粒仔，五臟六腑都痛」
洋名Jeffery的倪銘堅，事發時僅二十九歲，倪母於庭外道：「我唔知可以做咩，我得一粒仔，我好掛住我個仔，掛得好痛，五臟六腑都痛。」她指被告不負責任釀成車禍，對涉事四個家庭造成創傷。「我個仔本來今年結婚，佢過身前已經同未婚妻睇緊酒席，依家咩都無晒啦。」倪母坦言，事發一年心情仍未平復，更不敢讓家中長輩得知孫兒已離世。
倪母形容兒子孝順上進，生前公餘進修，取得香港大學測量碩士學位，又做義工，還填寫器官捐贈卡，「但佢喺車禍中傷得太重，器官唔能夠捐出，我幫唔到佢完成遺願。」她含淚憶述：「囝囝真係好乖，出事後有教授打電話慰問我，大讚銘堅好勤力好叻仔，我為我囝囝驕傲！」