社交網站facebook的「永遠懷念我們的容綺文老師」群組，至昨晚已有逾八百三十人加入。有自稱於一九九三年被容老師教過的舊生Yan Yan Yong表示，「第一年就遇着我哋2B班，一班極難教嘅學生！……擒晚輾轉反側諗，係咪當年我哋太曳呢？令到你唔開心呢？好記得我哋有幾唔聽話，Miss Yung有幾咁激氣，諗到呢度已經忍唔住喊咗出嚟」。

「唔想見到好人被欺負」

舊生Peony Yip則留言稱，「讀書時見到其他同學唔尊重你時，我會企你果（嗰）邊，因為唔想見到一個好人被欺負……感嘆的是事件發生之後，你先知有咁多人愛你，關心你，走好吧」。另有認識容的網友Nick Leung留言指出，容老師是一名「好好老師」，對壞學生依然無限包容。

此外，亦有不少網民批評現今的教育制度，有網民留言稱「希望教育制度同做校長嘅，多啲從老師角度睇下啦」。