呢啲就叫「杞人憂天」喇！正如你問啲小學生有冇想過「想死」呢個念頭，筆者毋須調查，都知十個有九個會咪咪嘴笑答：我真係好想死！問其故：或阿媽管得太嚴，夜晚兩點就唔畀人打機；或被老師傷害了自尊：是否冇用心讀書？做老師連婉轉的話也不懂，佢應該話：「書讀唔成唔係咁大鑊，你可以向演藝界謀發展。過多兩年，今夜星光燦爛。」

有關調查又發現，曾把屯門區超市的袋裝炭收起，放在不起眼處出售，該區燒炭自殺人數一度大減逾半；至於沒有這樣做的元朗區，其燒炭自殺人數則上升近半。果如是，請問不少燒炭者何以愛選長洲之小築？難道長洲處處有炭迹？

有些論調真係似是而非得啖笑，呢味嘢政客最多，估唔到如今時移世易，連學者都愛搞搞新意思。中國人民公安大學教授王大偉提醒說，天氣每升高攝氏兩度，全國的強姦案發案率就上升百分之一，最好隨身攜帶防具。全球暖化加劇，那豈不是全球女人的噩夢？

夏天來了，女士們可要小心了。婦女的衣着可向中東女人學習，只露雙眼，若露單眼就更有保障；更要速廢「停車熄匙」，否則因車廂太熱風化案驟增，惟邱騰華局長是問！