呢場表演喺紅館舉行，大會請咗一位曾沉淪毒海嘅少女現身說法，仲搵嚟一眾名太以音樂劇方式宣揚禁毒訊息。蔡太身為女童軍總會名譽副會長，當然唔可以匿喺幕後啦，佢開咪以普通話唱出《藍色多瑙河》，向來喺教會唱開聖詩嘅佢，聲線嘹亮動人。

原來蔡太曾拜名師學聲樂，表演前更喺屋企秘密練兵，上台表演時果然交出水準，絕冇怯場。睇真啲，原來囡囡加怡同囝囝加讚靜雞雞喺台下為媽咪打氣，怪唔得蔡太特別投入。

另外，富豪邱德根新抱邱吳惠平都有份表演，唱出英文歌《What a Wonderful World》，亦博得全場掌聲。